Për 2 ditë me radhë me qindra vendas dhe të huaj “rijetuan” trashëgiminë tonë kulturore dhe muzikore. Ky ishte qëllimi i Lin Festival i cili u mbajt për dy net me radhë në fshatin turistik të Linit në Pogradec. Një formë e re për të afruar vizitorët vendas dhe të huaj drejt destinacioneve turistike me qëllim njohjen e tyre.
Për arritjen e këtij qëllimi Lin Festival ishte konceptuar si një koncert me muzikë shqiptare dhe arbëreshe në brendësi tl Bzazilikës që i përket shek. V-VI
Krahas koncertit muzikor ky aktivitet mblodhi në një panair produktesh edhe artizanë nga Pogradeci, Tirana dhe Kosova në këto ditë kur fshati turistik është i tejmbushur nga të huajt.
Është hera e parë që një festival i këtij formati organizohet në Lin, fshat i cili tashmë është mjaft i njohur ndërkombtarisht edhe pas zbulimit të vendbanimi 8 mijë vjeçae nga arkeologët shqiptarë dhe zviceranë, zbulim i cili ka rritur ndjeshëm kërkesën për të vizituar fshatin.
