Në një intervistë për Kolibri.al lidhur me zgjedhjet e fundit për rektor në universitetin e Korçës kandidati Robert Damo i cili doli i dyti në listën përfundimtare, ku në vend të parë mori votëbesimin Lenci Ekonomi për drejtimin e këtij institucioni arsimor, Damo ka folur për herë të parë lidhur me problematikat e këtij procesi.
Sipas Damos, pedagogët dhe pjesëtarët që ishin të përfshirë në komision nuk dinë të lexojnë e kuptojnë mënyrën sesi duhet të numëronin votat dhe se shuma në përqindje duhet të dalë 100% dhe jo me pak, psh 77% siç doli në procesverbal.
Damo nuk kundërshton rezultatin përfundimtar duke i uruar sukses Ekonomit por nga ana tjetër shprehet se numërimi i votave nuk ka qenë cilësor dhe personat të cilët duhet të plotësonin procesverbalet nuk ishin në gjendje të kryenin këtë detyrë.
Damo ka vendosur në dispozicion të redaksisë edhe disa procesverbale dhe fotografi.
Damo mori 47 vota në garën për rektor të universitetit të Korçës.
