Ka shumë arsye për të protestuar ndaj kësaj qeverie;
Për vete, për jetesën e papërballueshme, për rrogat e ulta dhe çmimet e larta,
Për shokët dhe kushërinjtë tonë që kjo qeveri i detyroi të emigronin në kërkim të një jete më të mirë,
Për çdo pacient dhe mjek që sot përballet me kushte skandaloze të infrastrukturës dhe shërbimit spitalor, nën mashtrimin e mjekësisë falas dhe të përkryer të Edi Ramës;
Për çdo mësues, nxënës dhe student që vuan kolapsin e arsimit i shqetësuar për vlerësimin që kjo qeveri ka për profesionistët dhe “ekselentët”,
Për çdo prind që përpos makthit për të nxjerrë kafshatën e bukës, përballet me taksat e larta dhe dramën e largimit të fëmijëve nga gjiri familjar,
Për çdo polic dhe qytetar që kërcënohet çdo ditë nga siguria e jetës dhe mbizotërimi i krimit me regji politike,
Për çdo fermer që kjo qeveri i ka zhvatur çdo gjë, veç shpirtit,
Për çdo biznes që sot vuan nga konkurenca e pandershme dhe nepotike e këtij sitemi në nivel lokal dhe qëndror,
Për çdo intelektual (që duhet të jetë nëser e në vazhdim udhëheqës i kësaj maratone protestash),
Për çdo qytetar që i shtyrë nga rrethanat e dha votën në shkëmbim të një thesi miell,
Për çdo nënpunës të administratës që ndihet i shantazhuar për vendin e tij të punës,
Për çdo njeri që e do një rrotacion, që e pret një ndryshim, që nuk pajtohet me diktaturat, qe e do Lirinë…
