“Kur më shkon sokakut” ka qenë koncerti me këngë korçare që artistë të njohur të këtij qyteti sollën në skenën e teatrit “Andon Zako Çajupi”
Këngë të cilat janë përpunuar, orkestruar e kuruar nga kompozitori Josif Minga.
Në këtë koncert janë sjellë këngët “Kur më shkon sokakut”, “Kur më vjen burri nga stani”, “Pare kush ta preu fustan’, si dhe këngë të tjera të cilat janë shumë të njohura në trevën e Korçës.
E veçanta e këtij koncerti ishin dy këngët e kënduara nga këngëtari gjakovar Artan Bakija, ashtu siç sollën këngë të tjera të këtij koncerti këngëtarët korçare Bledi Polena, Olsa Pema dhe Stelio Tollkuçi si dhe kori i përbërë me këngëtarë të rinj e të vjetër.
Dhimitraq Disho ka kënduar serenatën prej shumë vitesh por koncerti i kësaj nate edhe për të ka qenë një koncert me vlera pasi këngët qytetare Korçare janë kënduar ashtu siç janë krijuar.
Kompozitori Josif Minga thotë se serenata dhe këngët qytetare Korçare ja kane dalë të qëndrojnë në skenë dhe jo vetëm por këto këngë kërkojnë interpretimin e këngëtarëve profesionistë.
Artan Bakija nga Gjakova ka kënduar dy këngë në këtë koncert. Ai tha se nëse ju humbasin partiturat e këngëve korçare, ajdeni se i gjeni në Gjakovë.
Për gati 60 minuta artdashësit korçare kanë pasur mundësi të ndjekin këngët më të njohura qytetare Korçare, të cilat janë interpretuar nga këngëtarë të njohur të këtij qyteti
