Pranë bashkisë Korçë është ngritur qendra e shërbimit mbështetës për familjen dhe fëmijën, që ka për qëllim largimin e fëmijëve nga institucionet e kujdesit social.
Një prej këtyre formave të kujdesit alternativ është edhe shërbimi i familjes kujdestare, që ka të bëjë me familje të cilat shprehin gatishmërinë për tu kujdesur për fëmijë të cilët janë në vështirësi në familjet e tyre biologjike.
Aktualisht në qytetin e Korçës është një familje kujdestare vullnetare e cila është ende në proces për të fituar këtë status.
Strukturat përgjegjëse janë duke promovuar më tej këtë shërbim mjaft të nevojshëm për kujdesin social të fëmijëve që kanë nevojë.
Ky është një projekt pilot që po zbatohet prej gati 3 vitesh në Bashkinë e Korçës dhe atë të Vlorës, financuar nga Ministria e Shëndetësisë dhe Mbrojtjes Sociale.
