Kufinjtë ndarës të pronave janë endë problematike. Një situatë e tillë ka ndodhur dhe në fshatin Barmash të qytetit të Ersekës. Dy familje, komshinj, janë konfliktuar pasi njëri prej tyre ka rrethuar me mur guri, një sipërfaqe toke në pronësi të fqinjit të tij. Veprim ky që ka sjellë grindje midis tyre.
Njoftimi i Policisë;
Specialistët për Hetimin e Krimeve të Komisariatit të Policisë Kolonjë referuan materialet në Prokurori ku filloi procedimi në gjendje të lirë për shtetasin S. K., banues në fshatin Barmash, Kolonjë, pasi dyshohet se me vetëgjyqësi ka rrethuar me mur guri, një sipërfaqe toke në pronësi të një shtetasi tjetër.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
