Një pakënaqësi ka sjellë grindje mes bashkëpronarëve. Një prej pronareve të biznesit Montrelux ka bërë kallëzim penal ndaj dy bashkëpronarëve të tjerë, duke supozuar se ata e kanë kërcënuar dhe penguar punën në biznesin e tyre.
Njoftimi i policisë;
DVP Korçë/Procedohen në gjendje të lirë 2 shtetas për veprën penale të kanosjes
Specialistët për Hetimin e Krimeve të Komisariatit të Policisë Korçë referuan materialet në Prokurori, për vlerësim, pas kallëzimit të bërë nga shtetasja I. M., 33 vjeçe, banuese në Tiranë, e cila ka deklaruar se në malin Moravë, Korçë, shtetasi Sh. B., 36 vjeç dhe shtetasi B. S., 34 vjeç, banues në Kamzë, Tiranë, e kanë kanosur me fjalë dhe kanë penguar stafin dhe klientët, të hyjnë në ambientet e biznesit që ajo e ka në bashkëpronësi me 36-vjeçarin.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
