Në një postim në rrjetin e tij social Kryeministri i vendit Edi Rama ka lëshuar ultimatumin se qeveria nuk do lejojë asnjë subjekt të shesë apo importojë qese plastike.
Ai shton ndër të tjera se inspektorët janë në terren dhe nuk do të ketë tolerim për askënd. Rama iu kujton kështu bizneseve se ai di të bëhet shumë lehtë i “keq” aq sa të mos kursejë gjobat e majme për shkelësit e ligjit, fakt ky që Rama e ka treguar edhe në sektorë të tjerë.
Statusi i Edi Ramës
“Asnjë tolerim ndaj askujt që shkel ligjin duke vazhduar ende me prodhimin, importimin apo tregtimin e qeseve plastike njëpërdorimshe, tashmë kategorikisht të ndaluara.
Pas një fushate shëmbullore të informimit publik dhe ndërgjegjësimit të shumicës prej qytetarëve mbi rëndësinë e jashtëzakomshme të reduktimit të plastikës, TASK FORCA vazhdon punën çdo ditë në terren për të kontrolluar subjektet që vazhdojnë avazin e vjetër kokëfortë të moszbatimit të ligjit.”
