Rruga Maliq – Lozhan, e cila bënte dhe lidhjen me rrugën e re të Gramshit dhe pritej të ishte një “frymëmarrje” për banorët e këtyre fshatrave dhe udhëtarët, ende nuk ka përfunduar.
Sipas tabelës informuese por edhe burimeve të sigurta bëhet me dije se afati i fundit, atëherë kur “duhej prerë dhe shiriti” ishte Shkurti i këtij viti, por teksa 2024 po mbyllet, ende rruga ka ngelur rrugëve.
Gjikuria SHPK është kompania që po bën punimet e kësaj rruge, e cila pavarësisht se ka shkelur afatet, në terren nuk shihet asnjë automjet të punojë, duke ngritur pikëpyetjen e madhe se çfarë po ndodh në këtë kantier ndërtimi dhe pse nuk janë respektuar afetet ligjore të mbylljes së punimeve?
Deri në një përgjigje të kësaj pyetje, ende banorët duhet të vuajnë mungesën e rrugës, ndërsa Gjikuria SHPK përveçse dhënies së llogarisë para instancave ligj zbatuese për këtë shkelje, duhet të kthejë sa më parë mjetet në punë dhe përfundojë një kërkesë të kahershme të këtyre fshatrave të harruar
