Një sërë ngjarjesh të natyrës administrative dhe penale janë regjistruar së fundmi në territorin e qarkut të Korçës.
Një 40-vjeçar nga fshati Bregas është arrestuar për thyerje të masës së sigurisë “arrest në shtëpi”.
Po ashtu, një 36-vjeçar nga Hoçishti po hetohet pasi dyshohet se nga pakujdesia shkaktoi një zjarr që përfshiu një sipërfaqe me bimësi dhe tokë të mbjellë me grurë.
Në fshatin Tren të Devollit, tre persona janë proceduar për shkelje të Moratoriumit të Gjuetisë, pasi gjatë një kontrolli u kapën me pajisje të ndaluara dhe qen gjahu.
Ndërkohë, dy shtetas nga Korça dhe Vlora janë proceduar për kalim të paligjshëm të kufirit.
Autoritetet po vijojnë hetimet për secilin rast.
