Erion Isai lajmëron se më 12 tetor në sheshin “Rilindja” do të ketë një ekran led për të parë ndeshjen e kombëtares sonë Shqipëri-Çeki.
Kryetari i bashkisë Kolonjë, z.Erion Isai, ka lajmëruar në rrjetin e tij social facebook se ndeshja e shumëpritur nga tifozët shqiptarë, Shqipëri-Çeki, e njohur edhe për mungesën dhe kërkesën e shumtë të biletave, ku shumë persona kanë ngelur pa biletë, ka gjetur një zgjidhje.
Mesa duket shqiptarët që jetojnë në juglindje do të kenë një tjetër mundësi për të ndjekur ndeshjen e rëndësishme eleminatore drejt europianit të ardhshëm, bëhet fjalë për bashkinë e Kolonjës e cila do të organizojë një event të rëndësishëm në kuadër të kësaj ndeshjeje.
Një wall led i madh do të shërbejë për të gjithëpjesëmarrësit për të parë ndeshjen dhe po ashtu Isai ka lajmëruar se do ketë dhe ushqime e birra për të gjithë ata të cilët duan të kalojnë një natë magjik në Ersekë.
Njoftimi në facebook;
12 tetor tek sheshi Rilindja në Ersekë një ekran gjigand led; muzikë; festë e atmosferë. Në një shesh që na pret për ti dhënë emocion të përbashkët një sheshi për emocionin kuq e Zi! Ju presim
