Pas reshjeve intensive të dëborës, situata në zonat malore të qarkut te Korces po shkon drejt normalizimit, sidomos në qarkullimin rrugor. Në njësinë administrative Vithkuq, të gjitha rrugët e fshatrave, përfshirë Shtyllën dhe Panaritin, janë të hapura, megjithëse kalimi rekomandohet të bëhet me goma dimërore dhe zinxhirë.
Rruga Voskopojë-Lekas është gjithashtu e hapur, por qarkullimi mbetet i vështirë në disa fshatra të kësaj njësie. Probleme me qarkullimin raportohen ende në fshatrat e njësisë administrative Çlirim në Bashkinë Kolonjë. Ndërkohë, situata paraqitet e stabilizuar në fshatrat e Devollit të Sipërm.
Energjia elektrike nuk paraqet probleme në këto zona, çka ka lehtësuar përballimin e situatës nga banorët. Autoritetet lokale vijojnë punën për mirëmbajtjen dhe pastrimin e rrugëve.
Banorëve u bëhet thirrje të tregohen të kujdesshëm në lëvizje dhe të ndjekin udhëzimet e autoriteteve te qarkullimit rrugor rrugor perfshi ketu edhe levizjet ne fshatrat turistik te juglindjes.
