Ne hamë pothuajse gjithçka që blejmë për konsum, pa e ditur në shumë raste si dhe nga vjen e deri tek mënyra se si transportohet. Mishi gjithmonë ka qenë problematik mbi kushtet në të cilat ruhet dhe tranaportohet dhe së fundi një rast skandaloz është zbuluar nga AKU Korçë. Në kushte të tmerrshme një mjet tramsportonte mish i cili më pas do ishte në pjatën tuaj. Pa kushte frigoriferike dhe bashkë me gomat e makinës.
AKU gjobit një personDrejtoria Rajonale e Autoritetit Kombëtar të Ushqimit Korçë në bashkëpunim me seksionin e Krimit Ekonomik të DVP Korcë kanë ndaluar mbrëmjen e djeshme një individ, i cili transportonte me mjet kamionçinë një karkasë lope pa vulë dhe pa çertifikatë veterinare. Automjeti me të cilën transportohej karkasa nuk plotësonte kushtet higjieno-sanitare për transportin e produkteve me origjinë shtazore.
Personi nuk ishte i regjistruar në organet përkatëse për të kryer tregëtimin dhe transportin e mishit. Për këtë person janë marë masat administrative Gjobë dhe është marrë masa urgjente e Bllokimit të Karkasës me destinacion asgjësimin. DRAKU Korçë do të dënojë çdo person fizik apo subjekt, i cili bën therrjen e kafshëve dhe tregëtimin e mishit të tyre në kundërshtim me legjislacionin në fuqi.
