Skënderbeu ka mposhtur Teutën me rezultatin 2-1. Kjo ishte dhe fitorja e parë për Ernest Gjokën me bardhekuqtë në kampionat, teksa nga ana tjetër Devolli debutoi me humbje në stolin e durrsakëve.
Një sfidë plot emocione u luajt në Korçë. Fillimisht ishte Teuta që gjeti avantazhin me Llocin. Ky i fundit shkaktoi më pas penallti, që u vendos pas rishikimit me VAR.
Bismark nuk gaboi nga pika e bardhë duke barazuar takimin. Pjesa e dytë pa korçarët të mbeteshin me 10 lojtarë, pas Bismark u largua me karton të kuq në minutën e 65-të. Dhe ky një episod që u pa me VAR.
Një tjetër karton i kuq ishte rezervuar, ndërsa Karabeci mori të verdhin e dytë. Më pas për të bërë heroin te Skënderbeu mendoi Rashica.
I ardhur nga stoli, sulmuesi që do largohet, shënoi golin e përmbysjes. Tashmë bardhekuqtë kanë 19 pikë në vendin e fundit. Në anën tjetër Teuta numëron 23 pikë dhe mban vendin e shtatë.
REZULTATI PËRFUNDIMTAR
SKËNDERBEU 2-1 TEUTA
37′(p) Bismark, 79′ Rashica – 9′ Lloci
NGJARJET KRYESORE
90+9′ Mbyllet ndeshja me fitoren e Skënderbeut.
90+7′ Nikaj shfaqet rrezikshëm në zonë. Tafas pret pa problem goditjen e tij.
90+5’ Alia i mohon golin Beshirajt, që i shkon pranë barazimit. Vendimtar portiere i Skënderbeut.
90′ Akordohen 7 minuta shtesë.
85′ Teuta pranë golit me Llocin, por mbrojtja e Skënderbeut largon në këndore. Minuta emocionuese në Korçë.
79’ GOOOL! Skënderbeu 2-1 Teuta/ Skënderbeu përmbys Teutën. Rashica i futur nga stoli, e dërgon rezultatin në 2 me 1.
76′ Karabeci merr kartonin e dytë të verdhë te Teuta duke lënë skuadrën me 10 lojtarë.
75’ Alia i mohon atë që do ishte supergol nga Torraj. Harkimi i Boçit po ashtu po i drejtohej rrjetës, ndërsa sërish portieri i Skënderbeut u tregua i vëmendshëm duke larguar.
71′ Dhe pse me një lojtar më pak, Skënderbeu nuk tërhiqet por krijon aksione në mesfushën kundërshtare.
69′ Nikaj merr vendin e Lukuinjas te Skënderbeu, ndërkohë te Teuta është Torraj që aktivizohet në vendin e Mingos.
67′ Karabeci ndëshkohet me karton të verdhë.
63′-65′ Bismark largohet me karton të kuq nga Skënderbeu. VAR ndërhyn dhe Doda pasi risheh rastin, akordon karton të kuq. Në anë tjetër tregon kartonin e verdhë për Simeun.
64′ Bismark ndëshkohet me karton të verdhë.
59’ Boçi merr vendin e Krujës, ndërsa Nasr të Peposhit te Teuta.
57’ Ergys Peposhi godet nga jashtë zone, teksa topi përfundon mbi traun e portës së mbrojtur nga Alia. Pranë golit Teuta.
53′ Rashica shpërdoron rastin e artë për përmbysjen. I vetëm përballë Tafas, nuk godet si duhet. Më pas dhe Bismar humbet një tjetër mundësi goli.
52′ Skënderbeu nxiton për të nisur aksionet. Mbrojtja durrsake vendoset mirë duke mos lënë hapësira.
46′ Rashica merr vendin e Jurit te Skënderbeu.
45+4′ Mbyllet pjesa e parë me rezultatin 1-1.
45′ Akordohen 4 minuta shtesë.
39’ Alia ndal Peposhin nga Teuta, i cili provoi me goditje diagonale.
38’ Ka tension mes lojtarëve pasi Bismark ka vendosur baraspeshën. Doda qetëson çdo gjë.
33’-37’ GOOOL! Skënderbeu 1-1 Teuta/ Bismark shënon nga 11-metërshi për të barazuar. Pretendimet për penallti te korçarët nuk merren parasysh fillimisht nga Doda, që vazhdon lojën. Më pas kryesori shikon pamjet me VAR dhe ndryshon vendimin duke e quajtur faull nga Lloci.
30′ Toma nuk shfrytëzon si duhet një top të pasuar nga Peposhi. Ramos tregohet i vëmendshëm dhe largon rrezikun.
29′ Estrela nuk kroson si duhet nga goditja e dënimit. Topi niset nga Tafas në fundore.
23′ Marcos Ramos merr vendin e Vangjelit, që nuk ia del të vazhdojë.
18′ Zbritje e shpejtë e Skënderbeut. Balaj provon, ndërsa sfera përfundon jashtë.
14′ Juri ndëshkohet me karton të verdhë pas ndërhyrjes ndaj Karabecit.
9′ GOOOL! Skënderbeu 0-1 Teuta/ Lloci nuk mund të gabojë me topin e mbetur në zonë, miqtë gjejnë avantazhin.
8′ Goditja e parë nga këndi i takon Teutës. Bismark largon goditjen e krosuar në tjetër goditje këndi.
7′ Tafas kontrollon pa problem një goditje qëndrore nga Rabiu.
4′ Beshiraj afrohet me golin, teksa më pas është anësori që akordon pozicion jashtë loje.
1’ Nis dueli në Korçë.
FORMACIONET ZYRTARE
SKËNDERBEU: Alia, Vaskuez, Prençi, Rabiu, Vangjeli, Merlim, Shaqe, Balaj, Estrela, Lukas, Bismark.
Trajner: Ernest Gjoka
TEUTA: Tafas, Jazxhi, Simeu, Kotobelli, Kruja, Karabeci, E. Peposhi, Lloci, Mingo, Toma, Beshiraj.
Trajner: Bledar Devolli
