Pas humbjes në shtëpi me Dinamon, korçarët luajnë e njehere tjetër në fushën e tyre, kësaj radhe me Partizanin ekip që kërkon titullin kampion.
Për këtë ndeshje në dyshim është Frenklin, sulmuesi kryesor i bardhekuqve, lojtar qe pësoi tërheqje muskuluare me dinamovitet.
Burime pranë stafit mjekësor thanë se ka shumë gjasa të rikthehet nga minuta e parë në ndeshjen e kësaj jave Shaqe, mbrojtës që ka dy ndeshje jashtë skuadre.
Ivan Gvozdenoviç, I pari i pankinës korçare mësohet se u ka kërkuar lojtarëve të studiojnë tërësisht lojën e demave të kuq kryeqytetas, duke i dhënë një vëmendje të shtuar kësaj ndeshje edhe për atë sepse vendet ne renditje nuk falin aq shumë siguri.
Gjithnjë sipas tij mjafton një ndeshje e shkuar dëm dhe zbritja në renditje është e frikshme. Ashtu siç të ngjit lart edhe një fitore.
Ndeshja me Partizanin edhe për kryepankinen korçare është nga ato ndeshje që hyn në kategorinë e takimeve të vështira, ndaj kërkohet qetësi në interpretimin e lojës ashtu siç kërkohet balancë në të dy fazat e ndeshjes.
“Duhet të gabojmë sa më pak” ka shtuar më tej Gvozdenoviç duke lënë për të kuptuar se ky takim zgjidhet nga episodet. Ashtu siç është zgjidhur dhe ndeshja e para pak ditëve më dinamon. Takim me të cilin u ka kërkuar lojtarëve ta harrojnë sa më parë për të menduar Partizanin
