Skënderbeu afron lojtarë të rinj por merkato mbetet pezull, ishët Dejvi Bregu dhe Leonit Abazi pretendojnë paga të pashlyera.
Te Skënderbeu aktualisht flitet për katër afrime lojtarësh të rinj, por klubi bardhekuq vazhdon të jenë i bllokuar në merkato për lëvizjet dhe federimet e sezonin e ri.
Dy janë problemet që e mbajnë pezull merkaton e Skënderbeut, ish lojtarët Dejvi Bregu dhe Leonit Abazi, të cilët pretendojnë se kanë mbetur pa marrë shuma të caktuara nga klubi korçar.
Rasti i vlonjatit Bregu është ai që peshon më shumë edhe për faktin se është më i gjati në kohë. Edhe pse ka fituar të gjitha shkallët e drejtësisë për të pretenduar pagat e pa marra, prej vitit 2020, si ende pret të shlyhet.
Për “Panorama Sport”, sulmuesi vlonjat bën me dije se korçarët i detyrohen 27 mijë e 827 Euro.
Pavarësisht kësaj situate klubi korçar është në lëvizje të gjetjes dhe afrimit të elementët të rinj për të forcuar akoma edhe më shumë ekipin.
Prej ditësh me ekipin janë duke u stërvitur pesë futbollistë të rinj, katër prej të cilëve kanë nënshkruar marrëveshje zyrtare me klubin korçar ndërsa një prej tyre është në provë.
