Skuadra e Skënderbeut është shumë aktive në merkaton e janarit, duke synuar përforcimin e ekipit për pjesën e mbetur të sezonit.
Burime zyrtare nga klubi bëjnë me dije se janë firmosur kontrata paraprake me dy lojtarë të huaj, të cilët pritet t’i bashkohen skuadrës brenda këtyre ditëve.
Po ashtu, burime brenda klubit konfirmojnë se janë në pritje të finalizimit të marrëveshjeve me tre lojtarë të tjerë, duke shtuar më tej konkurrencën dhe cilësinë në ekip.
Nga ana tjetër, Skënderbeu ka zyrtarizuar largimin e mesfushorit Krasniqi, i cili është ndarë nga klubi me mirëkuptim. Ky ndryshim shihet si pjesë e strategjisë për të riformatuar ekipin dhe për të synuar rezultate më të mira në vazhdim.
