Skënderbeu pasi ka mundur me penallti Elbasanin dhe ka fituar 2-0 me Kosturin është shpallur fitues i turneut për miqësorë për veteranët në futboll.
Elbasani kishte ardhur në këtë turne me futbollistët më të mirë të këtyre 30 viteve të fundit përfshirë këtu edhe ata të titullit të fundit kampion duke i dhuruar kështu emocione të forta tifozëve korçarë.
Nga ana tjetër edhe Skënderbeu kishte bëre të njëjtën gje madje në të dy ndeshjet e luajtuara ka pasur në lojë edhe një futbollist të tillë si Bledi Shkëmbi pa thënë edhe të tjerë të cilët për vite të tëra kanë luajtur me ekipin bardhë e kuq, mes të cilëve ishin edhe Gjergji Ballço, Gentian Liçi e Ilia Tërpo.
Skuadra e Kosturit ashtu si dy ekipet shqiptare i kishte gërshetuar më së miri brezat e futbollistëve madje ka pasur në lojë edhe futbollistë 75 vjeçarë.
Muharrem Dosti futbollisti i njohur elbasanas nuk i ka fshehur emocionet e këtij turneu edhe për atë sepse është takuar me lojtarë të cilët ka luajtur si kundërshtar për shumë vite.
I njëjti emocion ka qënë edhe për Ilia Tërpon e Skënderbeut e shumë më tepër për Bledi Shkëmbin tashmë me pak kilogram më tepër por i freskët në fushën e blertë.
Kastriot Peqini elbasanasi dikur kampion kishte mbetur i njëjtë si në rininië e tij aq sa gjatë gjithë lojës u ka kerkuar futbollostëve me thinja të luanin fort në veçanti ndaj Skënderbeut.
Emocionet mbeten thotë Peqini ndersa grinta për shkak moshe ka rënë pak.
Në fund të turneut Skënderbeu është shpallur fitues por organizatorët kanë dhënë kupa edhe për Elbasanin e Kosturin.
