Skënderbeu ka konfirmuar pesë ndeshje miqësore në kuadër të përgatitjeve për sezonin e ri, ku bie në sy fakti se vetëm njëra prej tyre është ndaj një skuadre të Superligës – Vorës, ndërsa katër të tjerat janë ndaj ekipeve të Kategorisë së Parë.
Takimi i parë zhvillohet këtë të shtunë ndaj Strugës, ekip nga Maqedonia e Veriut, i drejtuar nga Bledi Shkëmbi. Më pas, bardhekuqtë përballen me Besën më 2 gusht në stadiumin “Skënderbeu”, ndërsa më 6 gusht luajnë derbin juglindor ndaj Pogradecit në qytetin e liqenit. Më 9 gusht do të sfidojnë Vorën, ndërsa më 12 gusht përballen me Luftëtarin.
Klubi ka bërë të ditur se po planifikon edhe një miqësore të gjashtë, kundërshtari i së cilës do të konfirmohet në ditët në vijim.
KALENDARI:
- 26 korrik: Skënderbeu – Struga (19:00)
- 2 gusht: Skënderbeu – Besa
- 6 gusht: Pogradeci – Skënderbeu
- 9 gusht: Skënderbeu – Vora
- 12 gusht: Skënderbeu – Luftëtari
