Sot Pogradeci-Këlcyra, liqenorët premtojnë fitore
Këtë të diel starton kampionati i futbollit për kategorinë e dytë. Edhe për këtë vit ekipi i Pogradecit luan në këtë kategori me shpresën se do arrijë të ruajë kreun e grupit që në fillim për të pasur mundësinë e kalimit në kategorinë e parë. Në ndeshjen e parë liqenorët luajnë brenda dhe drejtuesi i pankinës liqenore Nikaj thotë se janë të gjitha mundësitë për të fituar ndeshjen por edhe kampionatin.
Nikaj thotë se ekipi është në gjendje shumë të mirë ashtu si ka pasur edhe afrime të reja të cilat i japin edhe më shumë energji lojës. Pere, Nallbati, Ivavni, Myslimi, Sulka, Demaj dhe Qeleshi janë disa prej afrimeve të reja këtë sezon ndërsa ekipit i janë shtuar edhe 5 afrikanë si Sadiq, Suleiman, Udoh, Adbeayo dhe Odeoye.
Me këto afrime të cilat i japin grintë të gjithë lojës, Nikaj thotë se do ja dalin të mbajnë kreun e grupit. Ndërsa ndeshja e sotme është një test i vogël për lojtarët pasi fitorja nuk diskutohet.
