Kryetari i Bashkisë Korçë ka risjellë në vëmendje se qyteti Korçës dhe fshatrat turistikë kanë 100 fishuar njësitë e akomodimit në këtë zonë. Sipas tij rritja e turizmit dhe fluksi i lartë ka shtuar edhe investimet në këtë qytet duke forcuar ekonominë lokale po ashtu.
Përtej gjithçkaje që qarkullon, Filo rikonfirmon se Korça është qyteti model që shumë qytete të tjera e ndjekin nga pas me eksperiencën e saj turistike, e cila ja doli që në një 10-vjeçar të shumfishonte turistët dhe investimet.
“Turizmi në Korçë është një histori suksesi dhe model i shkëlqyer zhvillimi për ekonominë lokale.
Vetëm në pak vite njësitë e akomodimit në Korçë janë më shumë sesa 100 fishuar dhe falë rritjes të numrit të vizitorëve nga viti në vit Korça po shton kapacitetin e saj pritës për të pērballuar kërkesën.
Të dhënat nga Muzeumet Kombëtare në Korçë tregojnë një rritje 20.3% për periudhën Janar-Nëntor 2023!”- ka thënë Sotiraq Filo
