Në komisionin e Ekonomisë ka pasur debate pasi pritet që të miratohet projektligji për pagat, i cili nuk përfshin një rritje për kabinetin qeveritar dhe deputetët.
Deputeti i PD-së, Edmond Spaho, është ankuar në Komision duke thënë se qindra funksionarë do të marrin pagë më të lartë se deputetët.
Pjesë nga debati:
Spaho: Deputetin e ka detyruar të blejë makinë me paratë e veta dhe të bëjë punën e qeverisë. Janë 3 ligje që janë pjesë e reformës që po flet ministrja. Janë 48 agjenci që konsiderohen agjenci të funksioneve të larta. Janë me qindra që do marrin pagë me të lartë se deputeti.
Ibrahmaj: S’mund të miratojmë një VKM, pa miratuar ligjin, në asnjë moment të fjalës nuk thashë që nuk vlerësojmë punën e ministrave apo deputetëve, pasi të zbatohet rritja për të gjithë punonjësit e administratës, do sjellim një propozim për pagën e ministrave dhe deputetëve.
Spaho: Nuk thatë të vërtetën. Kryeministri ka dalë dhe ka bërë prezantimin e pagave të reja.
Spaho: Ju keni shkelur ligjin!
