SPAK kërkon 1 vit burg për ish-kryebashkiakun e Pogradecit, Eduard Kapri
SPAK ka kërkuar dënimin me 1.6 vite burg për ish-kryebashkiakun e Pogradecit, Eduard Kapri, por për shkak të aplikimit të gjykimit të shkurtuar, dënimi është reduktuar në 1 vit.
Kapri akuzohet për shpërdorim detyre në bashkëpunim, pasi lejoi përfundimin e punimeve të pezulluara të një pallati 12-katësh të shoqërisë “Gedi sh.p.k”, ku ai vetë ka qenë administrator. Sipas SPAK, pasi fitoi postin e kryetarit të bashkisë, ai ia kaloi kompaninë të vëllait, duke mundësuar ndërtimin e dy kateve shtesë, duke e bërë pallatin 14-katësh në lagjen nr. 3 të Pogradecit.
Të pandehur janë marrë edhe juristi i bashkisë, Besjan Meço, dhe Besmira Niko, specialiste pranë Drejtorisë së Planifikimit dhe Zhvillimit të Territorit në Bashkinë Pogradec.
SPAK vijon hetimet për zbardhjen e plotë të çështjes.
