Sot është një ditë e rëndësishme për të gjithë tifozët e futbollit sepse në mbrëmje luhet ndeshja mes Shqipërisë dhe Çekisë.
Kjo ndeshje është shumë e komentuar për rëndësinë e saj lidhur me renditjen e të dyja skuadrave.
Gazetari i Kolibri.al raportoi nga ambientet e brendshme të stadiumit Air Albania që në orën 20:45 do të mbushet nga 22 mijë tifozët kuqezi.
Gjithçka duket gati për sfidën e rëndësishme që ka shtuar entuziazmin tek tifozët kuqezi.
Një detaj i bukur që duket se do të elektrizojë më tepër atmosferën në Air Albania janë 22 mijë qeleshet e bardha, një për secilin tifoz të Kombëtares, që do të ketë mundësinë ta shijojë ndeshjen në stadium.
