Stafi i Institucionit të Ekzekutimit të Vendimeve Penale (IEVP) Korçë ka ndërmarrë një akt human dhe solidar duke dhuruar gjak për fëmijët që vuajnë nga talasemia. Ky gjest fisnik ka për qëllim të ndihmojë fëmijët që kanë nevojë për transfuzion të rregullt të gjakut për të mbijetuar dhe për të pasur një cilësi më të mirë të jetës.
Dhurimi i gjakut u realizua në bashkëpunim me Qendrën e Transfuzionit të Gjakut, e si një hap shumë të rëndësishëm për të plotësuar nevojat e pacientëve me talasemi.
Përfaqësues të stafit të IEVP Korçë shprehën kënaqësinë e tyre për mundësinë për të kontribuar në këtë kauzë. “Ne e ndiejmë si detyrë morale të ndihmojmë ata që kanë nevojë dhe dhurimi i gjakut është një mënyrë e thjeshtë, por jetike për të shpëtuar jetë,”.
Ky gjest është një shembull i shkëlqyer i humanizmit dhe bashkëpunimit për të mirën e komunitetit, duke shpresuar që të inkurajojë edhe më shumë persona të angazhohen në dhurimin e gjakut.
