Ndoshta një emër i padëgjuar shpesh por me vlerë dhe rëndësi të madhe për qytetin e Korçës. Stavri Karundi ka qenë një nga diplomatët që ka nxjerrë Korça. Ai ka mbajtur postin e konsullit të Shqipërisë në Manastir, në vitet 1938-1939.
Emri i tij për dekada me radhë ka mbetur në heshtje.
Stavri ka lindur në Korçë, aty ku mori dhe mësimet e para. Më pas u largua nga Shqipëria drejt Zvicrës për të përfunduar Kolegjin Ndërkombëtar “Rhenania” të Lozanës në Zvicër më 1931 dhe për katër vite të tjera ai vijoi studimet pranë Universitetit të Gjenevës në degën e Shkencave Ekonomike e Shoqërore.
Diplomati Stavri Katundi e filloi karrierën si atashe në Drejtorinë Politike të Ministrisë së Punëve të Jashtme në Shqipëri dhe më tutje u emërua sekretar i përgjithshëm i konsullatës shqiptare në Manastir, në Shkup, më tutje i ngarkuar me punë për çështjet shqiptare në Konstancë, etj.
Stavri Katundi ndërroi jetë në qytetin e lindjes më 1962, duke besuar se një ditë do të vlerësohen kontributet e tij dhënë politikës së jashtme të shtetit shqiptar.
