Stema e qytetit Maliq, nderimi që i bëhet 3 qyetetarëve amerikanë, misionarë të huaj, nga kryetari i bashkisë, me motivacionin “Për kontributin në ndihma humanitare, shërbimin në komunitet dhe mbështetjen ndaj nevojave në kohë krize”.
Janë nderuar ditën e sotme në një event të veçantë për ta, për t’u shprehur mirënjohjen maksimale për punën e bërë gjatë gjithë këtyre viteve në bashkinë Maliq dhe fshatrat përrreth.
Kryetari i bashkisë Maliq, Gëzim Topçiu, tregon se ndihma në kohën e pandemisë ka qenë e madhe dhe se kjo është më e pakta që mund të bëhej në nderim të tyre.
Dy nga misionarët e huaj ndihen të mahnitur nga titulli që u jepet dhe tregojnë se çdo ndihmë humanitare nuk ka ardhur pej tyre por prej Zotit.
“Faleminderit për respektim që na dhuroni, jam i mahnitur. Unë sot ndihem i emoionuar sepse ju nuk po nderoni vetëm emrin tim por edhe të zotit dhe të qindra amerikanëve që e duan Shqipërinë,” u shpreh John Durante.
“E vlerësoj gjithçka që u tha për ne sot por duhet të kuptoni se ne jemi vetëm pak nga qindra amerikanë të cilët dërgojnë ndihma humanitare në Shqipëri çdo muaj, ma besoni dhe ata janë të lumtur sot” tha Michael Durante, pas marrjes së certifikatës së mirënjohjes dhe stemës së qytetit.
“Duart që sigurojnë” është fondacion që prej vitesh operon në bashkinë Maliq me ndihma humanitare që në thelb kanë besimin e krishterë ungjillor.
