Në kuadër të Javës Studentore në Universitetin Fan Noli në Korçë është organizuar një aktivitet për dhurimin e gjakut. Studentë e pedagogë i janë bashkuar kësaj nisme duke kryer dhurim vullnetar të gjakut, pasi e konsiderojnë si një detyre humane për ti ardhur në ndihmë personave në nevojë:
Universiteti Fan Noli në Korçë prej vitesh bashkëpunon me Bankën e Gjakut e Kryqin e Kuq duke organizuar të tilla fushata dhurimi, duke përbërë një nga institucionet e rëndësishme për sigurimin e njësive të gjakut, për shkak edhe të numrit të lartë të dhuruesve. Këto ditë ka pasur edhe të tjera aktivitete për dhurim gjaku nga institucione të ndryshme siç ishte dhurimi një ditë më parë nga punonjësit e bashkisë së Korçës.
