Në kuadër të javës së infermierit, studentët e këtij fakulteti në Korçë kanë dhuruar gjak. Studentët e infermierisë tregojnë se kanë ndërmarrë këtë nismë pasi e shohin emergjente dhurimin e gjakut, për ata të cilët kanë nevojë.
“Nuk është hera e parë që kam dhuruar gjak, hera e parë ka qenë vitin që shkoi, për shkak të të njëjtës nismë nga studentët e infermierisë. Studioj për infermieri e do të jem një infermiere e ardhshme, e ndiej si nevojë për të ndihmuar sa me shume njerëz. E shikoj sesi mjekët e kanë të vështirë aq të vështirë për të ndihmuar pacientët e tyre kur banka e gjakut është bosh.”, thotë një studente.
Por në qoftë se studentët e infermierisë kanë dhënë shembull, të tillë nuk janë të rinjtë korçarë. Për infermierët e ardhshëm, kjo shihet me pesimizëm.
“Jo shpesh herë e kemi parë se kur dikush ka nevojë të gjithë hidhen për të dhënë një dorë për ndihmë. 1:07 të them të drejtën nuk është se e shoh shumë të interesuar të rinjtë ose moshatarët e mi, unë kam dëshirë ta ndiejnë e ata qe janë ne moshat e lejuara”, tha një prej studenteve.
Mungesa e informacionit bën që të rinjtë të stepen, thotë drejtoresha e bankës së gjakut.
“Moshatarët e tyre janë pak më të tërhequr mund të them, gjithsesi unë them se informacioni i mungon gjithsecilit për të dhuruar gjak. Në momente nevojash ne jemi solidarë, vërtet na kanë prekur momente të vështira por ndoshta është edhe informacioni ai që na mungon”, deklaroi Drejtoresha e Bankës së Gjakut Korçë, Viola Furxhi.
Grupi që ka më tepër nevojë për dhurim gjaku janë fëmijët talasemikë, për shkak të transfuzionit të detyruar të gjakut në mënyrë të vazhdueshme.
