Turi i takimeve të PS dhe kandidatit të saj në kuadër të zgjedhjeve vendore të 14 majit vijoi nga Selaniku. Në një takim me emigrantë korçarë që jetojnë e punojnë atje, kryebashkiaku i Korçës Sotiraq Filo, bëri paralelizmin e krijimit të kushteve për të rinjtë që gjejnë në Korçë të njëjtat programe studimi në teknologji njësoj si në Selanik.
Më tej ministri i Mbrojtjes Niko Peleshi theksoi se në Selanik është një takim i rëndësishëm i fushatës për vetë faktin se korçarët që punojnë e jetojnë në Selanik kanë një kontribut jo të vogël në shndërrimin e Korçës. Sipas Peleshit, e rëndësishme është që mbështetja e emigrantëve të jetë po aq e madhe, për ta mbajtur Korçën të parën.
