Ministri i Brendshëm Taulant Balla nga Korça është ndalur tek rastet e shtuara të dhunës në familje si dhe rastin horror të fundit në Durrës.
Sipas Ballës janë institucionet shtetërore ato që janë përgjegjëse fillimisht për zbulimin e rasteve të tilla dhe vënien para përgjegjësisë ligjore. Ai ka kërkuar edhe medias të jetë me bashkëpunuese për raste të kësaj natyre.
Nga Korça gjithashtu Balla ka folur për protestën e opozitës si dhe denoncimet e PD të rithemelimit, duke u shprehur se në asnjë moment nuk ka patur dhunë nga ana e policisë drejt protestuesve, por anasjelltas.
Gjithashtu ministri i brendshëm Taulant Balla ka folur edhe për marrëveshjen që pritet të nënshkruhet me Emiratet e Bashkuara Arabe si dhe çështjen e Ervis Martinajt.
Të gjitha këto ministri i brendshëm Taulant Balla i ka bërë me dije nga takimi që ka pasur me nxënës e drejtues të shkollës së mesme “Raqi Qirinxhi”.
