Të pushosh në Pogradec ❤️
Në fakt, unë Kolonjën nuk e ndërroj me asgjë në botë. Pothuajse çdo fundjavë jam aty.
Por sot vendosa të bëj plazh në Pogradec. Kisha bërë lajme për çadrat falas, për plazhet publike, për pastërtinë, për rritjen e cilësisë së hoteleri turizmit, por vet drejt me thënë nuk e kisha provuar.
Duke qenë se erdha nga ora 12:00, gjithë plazhi publik ishte zënë. Erdha tek plazhi afër 1 Majit. Marr dy ujë, shkoj te paguaj shazlonet dhe çadrën, djali që rrinte aty me thotë “5 mijë lek te tëra”.
- Si 5 mijë lek o?
- Po pra, 5 mijë lek të vjetra, për dy shazlonet e dy ujë.
Unë shpesh herë u them njerëzve “Ulni çmimet” por atij djalit i thashë të kundërtën.
Pothuajse nja 4 orë që po qëndroj këtu, nuk kam dëgjuar njëherë muzikë të lartë bezdisëse. Vetëm ca fëmijë më “bezdisen”, se luanin aty afër kokës time dhe më bënë plot rërë, por sikur më pëlqeu dhe fillova të kujdesesha për ta. Atyre u falet të të bezdisinPër drekë u ulëm në “The Change”.
Shkoni te provoni karkalecat me kadaif. I qajnë. Në fund, fatura vetëm 35 mijë lek. U “denda” me verë të bardhë.
Teksa po ikja, më ndalojnë dy policë, me biçikletë, po më ndiqnin.
- “Të është shfryrë goma vëlla, shikoje gomën mbrapa. Për 1 km ke një gomisteri, shko shikoje”
Tani që po shkruaj kam ndaluar makinën. Duhet patjetër të shkruaja diçka.
Pogradeci e meriton.
Shkruar nga gazetari Xhensil Shkëmbi
