Thanas Broka ishte njeriu që i mungon sot familjes së tij, qytetit të Korçës, politikës lokale dhe jo vetëm. I njohur si njeri i urtë dhe i drejtë, Broka shërbeu për afro katër vite si Prefekt i Beratit, nga viti 2001 deri më 2004, në një kohë kur politika kërkonte që drejtuesit e lartë të pushtetit vendor të mos ishin vendas, pikërisht për të kontrolluar më mirë vendimmarrjen dhe bazën ligjore të akteve të nxjerra nga këshillat e komunave, bashkive dhe qarqeve.
Ndryshe nga shumë të tjerë, Thanas Broka u dallua për korrektësinë dhe ndershmërinë në marrëdhënien me komunitetin e qarkut të Beratit. Për këtë arsye, edhe sot, emri i tij lakohet me respekt dhe nostalgji nga të gjithë ata që e njohën dhe bashkëpunuan me të.
Thanas Broka u nda shpejt nga jeta, pikërisht atëherë kur i duhej më shumë familjes së tij, por edhe shoqërisë korçare, për gjithë kontributin dhe vlerat që dha gjatë jetës së tij.
