Ditëm e sotme një lajm i keq u shpërnda në media pasi një foshnjë e porsalindur u gjet duke qarë në një bodrum pallati në Tiranë nga disa banorë. Sipas të dhënave fëmija i porsalindur ishte braktisur në mënyrë makabre nga e ëma e cila pa pikë mëshire e kishte lënë në bodrum sapo e kishte lindur dhe ishte larguar.
Ndërkohë detaje të tjera kanë dalë në dritë, pasi policia ka arritur të identifikojë nënën e fëmijës. Ajo është një 29 vjeçare nga fshati Senisht i Pogradecit, me banim në Tiranë, e datëlindjes 26 dhjetor 1993.
29 vjeçarja është duke u marrë në pyetje nga policia dhe pritet që të deklarojë dhe arsyen se përse ndërmori këtë akt të rëndë.
Fëmija aktualisht është në gjendje të mirë shëndetësore dhe ndodhet në maternitetin “Koço Gliozheni” në Tiranë.
