Serenata korçare është e njohur jo vetëm në qytetin më të madh në juglindje të vendit por në mbarë Shqipërinë, këngë të cilat janë kënduar prej shumë vitesh në rrugicat e kalldremta të këtij qyteti, poshtë dritareve, në sokaket e sheshet e vogla
Serenatistët Jorgjeta Lalazi, Tomi Selimi e Kostika Zdruli tregojnë se serenatën e kanë mësuar me familjarët e tyre dhe e kanë kënduar në gjithë rrugicat e qytetit të tyre.
Tomi Kondakçi, një prej këngëtarëve më të njohur të serenatës ka merak për dy gjëra – së pari, mungesës së besnikërisë ndaj origjinalitetit dhe së dyti, nëse serenata do të këndohet e përpunuar, a do të ketë ngrohtësinë e këngës së rrugicave?
Drejtoresha e Qendrës së Artit, Kulturës dhe Inovacionit Blerta Belliu siguron se ky festival do ta sjellë serenatën ashtu siç është kënduar në vite, në dy variante, edhe me pak instrumenta dhe me orkestër.
Pjesë e këtij festivali janë bërë këngëtarët më të njohur të serenatës korçare dhe instrumentistë spanjolle të cilët do sjellin serenatën e tyre.
