Qyteti i Korçës vazhdon të ruajë traditën e pastrimit të rrugicave dhe sokakeve të këtij qyteti.
Traditë që me së shumti mbahet nga të moshuarat por ruhet edhe nga moshat e tjera.
Kjo është Tatiana Dhembo, 76 vjeçarja banore e këtij qyteti e cila që e re, çdo ditë ka pastruar rrugicën ku ajo banon në lagjen 1 të Korçës.
Te njëjtën gjë ka bërë dhe Marjana Karamitro, të cilat tregojnë se këtë traditë e kanë marrë nga gjyshet e tyre, duke u pasuar tek brezat e tjerë.
Te dy korçaret tregojnë se kjo traditë është në zbehje pasi vajzat e reja nuk e kanë më të njëjtën dëshirë dhe pasion për të mbajtur sokakun para shtëpisë së tyre të pastër.
Korça edhe për vizitorët vendas e të huaj mbetet një nga qytetet më të pastra në Shqipëri, kjo edhe për shkak të kujdesit të vet qytetarëve.
