Balerini i njohur shqiptar, Eno Birko ka vdekur mëngjesin e sotëm duke i dhënë fund jetës. Balerini i talentuar për shumë vite pjesë e skenës së Teatrit të Operas dhe Baleti, i ka dhënë fund jetës në mënyrë tragjike, duke u hedhur nga kati i pestë i pallatit ku jetonte në ish-bllok.
Ky lajm i papritur trondit gjithë botën e artit dhe të kulturës, duke lënë një boshllëk të madh në skenën e Teatrit të Operas dhe Baletit, ku Birko ka qenë për shumë vite një nga yjet më të ndritura.
Një balerin i jashtëzakonshëm, Eno Birko ishte një artist i madh, por edhe një njeri që ka kaluar përmes një periudhe të errët të jetës. Lufta e tij me alkoolin dhe depresionin ka qenë diçka që shumëkush e ka njohur dhe e ka ndjerë, pasi Eno ka ndarë haptaz vuajtjet dhe sfidat që ka kaluar.
Vetë balerini ka rrëfyer se në 2010, se si një operacion i hernies diskale do ta largonte nga rolet si solist i parë dhe duartrokitjet e publikut, për ta çuar drejt alkoolit dhe izolimit nga bota.
Eno Birko e cilësoi këtë periudhë si ëndrrën më të keqe të jetës se tij, por në një intervistë së realizuar më 2016, balerini tregoi se ia doli të dilte nga gjendja e depresionit dhe të rikthehej në skenë.
Shkruar nga
Newsbomb
