Tre futbollistë të Skënderbeut janë pjesë e ekipit kombëtar të 21 vjeçarëve.
Bëhet fjalë për Ardit Nikaj, Rei Pecani dhe Ermir Rashica, ky i fundit pasi ka shkëlqyer me ekipin e Skënderbeut bëhet pjesë e kësaj skuadre për herë të parë.
Tre futbollistë të skuadrës korçare bëhen për herë të parë së bashku me ekipin e 21 vjecareve të kombëtares shqiptare e cila nuk kishte ndodhur më parë. Kjo tregon se trajneri Alban Bushi e ka kthyer vëmendjen në kampionatin shqiptar dhe shumë më tepër tek Skënderbeu, skuadër e cila këtë sezon edhe duke luajtur në kategorinë superiore ka një skuadër me futbollistë të shumtë të rinj, të cilët në këto 12 javë të këtij sezoni kanë bërë mirë në shumë ndeshje të luajtura.
Padyshim Pecani, Nikaj e Rashica janë më të mirët e skuadrës korçare. Nikaj e Pecani kanë luajtur me “Shpresat” edhe herë tjetër ndërsa kosovari i Skënderbeut ka ndeshjen e tij të parë me fanellën e kombëtares për 21 vjeçarët. Edhe për lojtarin që ka sezonin e tij të pare tek Skënderbeu ftesa e ardhur nga trajneri Alban Bushi e ka bërë të ndihet mirë.
