Tregtarët që ushtrojnë aktivitetin e tyre tek “Markata e Shijes” në qytetin e Korçës, ngrejnë shqetësimin e mungesës së fuqisë blerëse.
Pavarësisht se kjo hapësirë ofron kushte dhe standarde shumë të mira, sipas tregtarëve kjo situatë është krijuar nga tregu i shumicës por edhe nga tregtarët e tjerë që ushtrojnë aktivitetin e tyre jashtë markatës.
Edhe pse kanë bërë kërkesa të vazhdueshme në institucionet përgjegjëse për gjetjen e një zgjidhjeje situata sipas tyre mbetet e njëjtë.
Një tjetër shqetësim që ngrejnë tregtarët është edhe mungesa e infrastrukturës së duhur për të orientuar blerësit tek markata.
Në “Markatën e shijes” kanë mundësi të zhvillojnë aktivitetin e tyre 105 tregtarë të produkteve të ndryshme kryesisht prodhime të zonës.
