Qyteti me i madh në juglindje të vendit vijon të jetë i vizitueshem nga turistët vendas e të huaj madje edhe gjatë ditëve të javës.
Gjatë këtyre ditëve në Korçë janë shumë turistë gjermanë të cilët duket se kanë zgjedhur të vizitojnë këtë qytet si dhe fshatrat e njohur turistik të kësaj zone.
Ata shprehen se një pjesë e mirë vijnë për herë të parë por kanë mbetur të mrekulluar me çmimet, mikpritjen, ushqimin dhe klimën.
“Ne ishim në Pogradec, sot jemi në Korçë, erdhëm me autobus për të parë qytetin, u futëm në katedralja. Pamje fantastike, gjithë qyteti është i qetë, Shqipëria ka një klimë fantastike, ushqimet bio dhe të shijshme. Kur të shkoj në Gjermani do të flas mirë për Shqipërinë dhe patjetër që e mendoj të rikthehem”.
” Ne kemi disa ditë ne Shqipëri dhe mund të them me plot gojë se qyteti me i bukur është Korça. Çmimet janë shumë të lira dhe do rikthehem padyshim”.
“Është hera jonë e parë në Shqipëri. Moti, njerëzit, mikpritja, pamja, kishat, çmimet, ushqimi, qetësia, duket si parajsë“.
Amarildo Pobrati, guidë turistike thotë se kohët e fundit gjermanët kanë dëgjuar shumë për Shqipërinë ndaj dhee për këtë janë të interesuar për ta vizituar.
“Gjermanët e kanë gjetur Shqipërine për vete. I doli propaganda, flasin me njeri tjetrin. Kishim pritshmëri të ulta, mendonin kriminele, lajme por të gjithë qr vijnë janë të lumtur e nuk e kishin imagjinuar këtë bukuri. Ushqimin, njerëzit e qetë, nuk bëjnë gallata të forta. Është pjesë historike dhe me grupe, disa hiking, disa histori, ushqimin etj”.
Pjesa më e madhe e turistëve janë të interesuar për paketat disaditore në juglindje të vendit, ku përfshihet qyteti liqenor i Pogradecit, Korça, Parku Kombëtar i Prespës, Voskopoja, Dardha dhe Kolonja
