Tyrbja e Goçës e cila ndodhet vetëm pak kilometra larg qytetit të Maliqit ka marrë tashmë një tjetër pamje pasi i është nënshtuar një restaurimi total. Godina e shenjtë, por edhe i gjithë oborri përreth kanë pësuar një ndryshim total, duke ofruar një pamje edhe më çlodhëse për të gjithë besimtarët baktashianë që vizitojnë këtë vend. I pranishëm në inagurim ishte kryegjyshi botëror i bektashinjve, Haxhi Dede Baba Edmond Brahimaj, i cili u shpreh i lumtur me pamjen e re të kësaj tyrbeje.
Kryetari i Bashkisë Maliq në mesazhin e tij përshëndestës tha se ky vend i shenjtë tashmë do të jetë edhe më tepër i vizituar nga besimtarët e zonës dhe jo vetëm.
Tyrbja e Goçës është një nga vendet e shenjta më të rëndësishme për besimtarët bektashinj në të gjithë zonën e Maliqit.
