Në këtë lloj forme kanë nisur festat kombëtare në Kolonjë.
Parada e vogëlushëve të vegjël të kopshteve të qytetit të Ersekës dhe gjimnazistët e shkollës së mesme “Petro Nini Luarasi” ka dhënë gjallëri sheshit “Rilindja”, teksa flamuri shqiptar dhe veshjet kuq e zi por e ato tradicionale sillnin nota festive.
Për nënkryetaren e bashkisë Kolonjë Ristana Gjergjo janë fëmijët ata të cilët çelin nisjen e dhjetra aktiviteteve që do të organizohen në kuadër të festave të 28-29 Nëntorit.
“Jam krenare të shikoj entuziazmin e brezave të rinj që janë krenar për origjinën e tyre aq më tepër në këtë shesh të rilindjes, po shoh një atmosferë fantastike nëpërmjet përkushtimit të mësuesve, shkollave, arsimit parashkollor gjithashtu por patjetër e ndikimi i drejtorisë së zhvillimit të fëmijëve ka dhënë këtë produkt që ka mbledhur gjithë qytetin“, – u shpreh Ristana Gjergjo.
Parada vazhdoi me tej me ekspozitën me piktura të krijuara nga vet fëmijët e këngët e kënduara nga talentet e shkollave të këtij qyteti.
