Në mentalitetin shqiptar, personat me aftësi të kufizuara paragjykohen se nuk mund të integrohen lehtësisht në shoqëri.
Shembulli ndryshe vjen nga Korça, ku brenda qendes “Atelie”, më tepër se 20 persona me aftësi të kufizuar kanë mundësi çdo ditë të mësojnë rreth zanateve të ndryshme e shoqërohen me njeri tjetrin.
Gjatë ditës, të gjithë bëjnë diçka. Dikush lan, një tjetër pastron, gatuan, pikturon, e të tjerë mësojnë dhe zanate të ndryshme.
“Kam ardhur në 2007, kam mësuar plot gjëra. Vizatime, piktura, merrem me bukën e peshkut, piktura moderne. Quhem Gjergji, jam 28 vjeç. Po pikturoj kornizën. 4 vite kam që vij në qendër. Më pëlqen. Gerti, jam 29 vjeç dhe po punoj. Në 2011 kam ardhur, më duket shume mire. Më pëlqen çdo punë”, u shprehën disa prej tyre.
Drejtoresha e kësaj qendre tregon se qëllimi kryesor është integrimi i tyre në shoqëri.
“Këtu mësohet, pra integrimi nëpërmjet punës. Personat këtu mësohen të bëjnë një jetë të pavarur, të kujdesen kur prindërit nuk do jenë më me të, të gatuajnë por ka e dy klasa që mund të shfaqin talentin e tyre në veprimtari artistike.
Të gjitha pikturat janë produkt që frekuentojnë qendrën. Qendra jep një mesazh të fortë që mentaliteti i vjetër ka ikur, secili ka të drejtë të jetojë i pavarur në shoqëri, të jetë pjesë e saj dhe japë kontributin e tij”, tha Çiljeta Cani.
