Certifikatë mirënjohjeje për Arnold Geiger/ Universiteti i Korçës nderon themeluesin dhe presidentin e fondacionit “Nehemiah Gateway Albania”.
Universiteti “Fan Stiljan Noli” në Korçë i ka dhënë certifikatë mirënjohjeje Arnold Geiger, themelues dhe president i fondacionit “Nehemiah Gateway Albania”. Në fjalën e tij përshëndetëse rektori i universitetit Prof. Dr Dhimitri Bello ka vlerësuar kontributin e Geiger, për promovimin e arsimit cilësor në vend si dhe për bashkëpunimin dhe mbështetjen në ndërkombëtarizimin e universitetit të Korçës.
I pranishëm në këtë aktivitet ka qënë edhe Prof. Dr. Bardhyl Musai i cili ka bërë një jetëshkrim të presidentit të fondacionit “Nehemiah”. Teksa vetë Geiger është shprehur mirënjohës ndaj këtij vlerësimi.
Pas ceremonisë së dorëzimit të certifikatës së mirënjohjes presidenti i fondacionit “Nehemiah” Arnold Geiger ka mbajur një leksion të hapur për gjithë të pranishmit.
