Vangjush Mio, bashkohësit dhe artistët e rinj pushtojnë Pogradeci
Mio, Guri Madhi, Kolevica, Taso, Vangjo Vasili e shumë të tjerë u ekspozuan në Galerinë e Arteve në Pogradec.
55 punime të 42 piktorëve shqiptarë që janë pjesë e fondit të Galerisë Kombëtare të Arteve u sollën në një ekspozitë nga kjo e fundit nën kurimin e Suzana Varvaricës.
Nën emrin e Pikotrit të madh korçar Vangjush Mio, punimet kryesisht të piktorëve të juglindjes por edhe qyteteve të tjera shfaqen bashkë pas një periudhe kohore 50 vjeçare, si një mundësi unike që publiku ti shohë nga afër, nisur nga fakti që jo të gjithë kanë akses në fondin e Galerisë Kombëtare thotë Entela Çipa Drejtoreshë e Galerisë Kombëtare të Arteve.
“Është ekspozita e parë që galeria e arteve sjell në qytetet e ndryshme të vendit, është një eksperiencë që do shpërndahet në shumicën e qyteteve të Shqipërisë, kemi menduar që t’i bëjmë dhe në Sarandë, Berat e Shkodër. Ka lidhje me punët e artistëve të mëdhenj e këtu është pikërisht Mio, artistët e rinj dhe bashkohesit në nivelin e kuratores Zana Varvarica, janë 55 vepra, 42 artistë të cilët bëhen prezent për publikun pogradecar dhe jo vetëm”
Për piktorët Vangjo Vasili dhe Arif Lushi kjo ekspzitë përcjell shpirtin e artistëve më të mirë shqiptarë, Lushi shkon më tej kur thotë se është koha që Galeria të përfshijë në fondet e saj edhe punime të piktorëve pas 90-ës.
“Është një ekspozitë që shkakton emocione të veçanta sepse punët tona janë të ekspozuara fiks pas 51vitesh. Kjo është një meritë e galerisë kombëtare. Fondi i saj është shumë i madh por kjo është një pjesëz e vogël”
“Kjo data e sotme është një ngjarje e shënuar jo vetëm për Pogradecin por gjithë juglindjen. Sot mu kujtua dy tre vargje të një poezie
” Dje isha plak, sot jam i ri
Dje isha njeri, sot jam poezi ”
Ekspozita është parashikuar të shëtisë në 10 qytete të vendit brenda vitit të ardhshëm, sipas idesë dhe punimeve të zgjedhura nga kuratorja.
