Gerti dhe Erald Kafazi janë dy djem duarartë që prej 22 vitesh punojnë hekurin si rrallëkush në Shqipëri. E veçanta është se ata janë fëmijë të dy prindërve intelektualë dhe askush në familjen e tyre nuk ka patur ndonjë histori të shkuar për punime me hekur.
Gerti më tregoi se ideja për të krijuar këtë biznes, i lindi fare spontanisht nga pasioni për të jetësuar aftësinë e tij artistike për të pikturuar, në elementë dekorativë prej hekuri.
Së bashku me dy ustallarë të tjerë po aq të rinj edhe pa asnjë përvojë të kahershme familjare, këta katër mjeshtra të këtij zanati të bukur, janë një shembull pozitiv i të rinjve që nuk kanë menduar të largohen nga Shqipëria, por kanë guxuar dhe janë përpjekur të krijojnë biznesin e tyre, duke konsoliduar për rrjedhojë pas më shumë se dy dekadave punë edhe një emër shumë të respektuar për këtë fushë në gjithë Shqipërinë.
Kur talenti dhe puna mjeshëtrore e njerëzve të punës nuk krijon vetëm të ardhura si një biznes familjar, por kuron, pasuron dhe përhap traditën karakteristike të arkitekturës së punimeve me hekur, për kangjella, shkallë e porta të shtëpive korçare, ata kthehen edhe në krenari për gjithë komunitetin.
Fotot që shihni janë disa nga qindra punimet e realizuara prej këtyre katër duarartëve në të gjithë Shqipërinë.
Sqarim: Shkrimi i marë nga profili në fb i Prefektit Nertil Jole.
