DVP Korçë/Vihen në pranga 2 shtetas, procedohen në gjendje të lirë 3 shtetas dhe vijon puna për kapjen e 1 tjetri, për vepra të ndryshme penale.
-Specialistët e Trafikut Urban dhe Interurban të DVP Korçë arrestuan në flagrancë shtetasin Gj. K., 40 vjeç, banues në Korçë, pasi në lagjen nr. 17, Korçë, nuk i është bindur urdhrit të punonjësve të Policisë, për të ndaluar automjetin tip “Volkswagen”, të cilin pas verifikimeve të kryera, rezultoi se e drejtonte në gjendje të dehur.
-Specialistët për Hetimin e Krimeve të Komisariatit të Policisë Korçë referuan materialet në Prokurori për shtetasit
A. J., 32 vjeç, banues në Korçë, pasi në lagjen nr. 14, gjatë kontrollit të ushtruar në lokalin e një shtetasi tjetër, 32-vjeçarit iu gjet në celularin e tij, një faqe që shërbente për vendosjen e basteve sportive;
D. ZH., 34 vjeç, banues në Korçë, pasi në lagjen nr. 9, gjatë kontrollit të ushtruar në lokalin në përdorim të tij, i cili nga verifikimet rezultoi i palicencuar, u kap duke vënë baste sportive, me anë të celularit të tij, i cili u sekuestrua në cilësinë e provës materiale.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
