Në moshën 34 vjecari, Gabriel Attal është emëruar kryeminister i Francës në mesin e përpjekjeve të Emmanuel Macron për të energjizuar presidencën e tij, një lëvizje kjo që ndërkohë e kthen Attal edhe në shefin më të ri të ekzekutivit në historinë moderne të vendit, duke kapërcyer edhe socialistin Laurent Fabius, i cili ishte 37 vjeç kur u emërua nga François Mitterrand në 1984.
Attal zëvendëson Élisabeth Borne, e cila ka dhënë dorëheqjen pas 20 muajsh në detyrë.
Gjatë gjithë asaj kohe ajo luftoi me mungesën e shumicës në parlament.
Gabriel Attal, i cili aktualisht është ministër i Arsimit, sigurisht që bën një takim që bie në sy.
Ai tani do të ketë detyrën të udhëheqë qeverinë franceze në zgjedhjet e rëndësishme të Parlamentit Evropian në qershor.
Me dorëheqjen e Borne, asgjë nuk ndryshon
Kryeministrja franceze, Elisabeth Borne, në mbrëmjen e ditës së djeshme, ka dhënë dorëheqjen. Lajmi filloi të qarkullonte menjëherë pas drekës së 3 janarit midis Presidentit Macron dhe Borne. Më pas presidenti e kaloi fundjavën në rezidencën e Lantnerne në Versajë për të gjetur zgjidhjen më të mirë për vendin, por mbi të gjitha për veten.
Kështu që ndryshimi ishte pothuajse i sigurt duke parë edhe vështirësitë në të cilat ndodhet Macron në garë për mandatin e tij dy vjeçar, veçanërisht pasi ligji i ri i imigracionit u miratua me votat e Kuvendit Kombëtar, duke ndarë shumicën e tij.
Roli i kokës së turkut për kryeministrat francezë ka qenë pothuajse traditë e të gjithë Presidentëve në vështirësi elektorale. Macron kësaj radhe ka nevojë të tërheqë një elektorat të djathtë.
Elisabeth Borne qëndroi në detyrë si kryeministër për më pak se dy vjet. Kryeministri i ri pritet të shpallet sot vonë në mëngjes. Sipas mediave, favorit i madh është 34-vjeçari Gabriel Attal, ish-zëdhënës i Matignon (selia e qeverisë) dhe aktualisht ministër i Arsimit, ndërsa dy kandidatët e tjerë të mundshëm janë ministri i Forcave të Armatosura, Sébastien Lecornu dhe ish-ministri, Julien Denormandie.
Borne do të qëndrojë në krye të çështjeve aktuale derisa të emërohet pasuesi i saj.
Si do të jetë riorganizimi? Në realitet ndryshimi i një kryeministri nuk e transformon situatën e përgjithshme, dhe me shumë gjasë arkitektura e qeverisë do të mbetet po e njëjtë.
“Kushdo që merr detyrën nesër në Hotel de Matignon do të ketë një sërë dërrmuese të emergjencave politike në tryezën e tij”, shkruan e përditshmja konservatore “Le Figaro”, duke kujtuar se mënyra e këtij riorganizimi “është e shpejtë dhe periudha është serioze”.
Përsa i përket Brukselit dhe kryeqyteteve e tjera të BE-së, riorganizimi qeverisë nuk i shqetëson shumë. Në fakt, është presidenti ai që bën politikën e jashtme të Francës, përfshirë politikën evropiane. Më së shumti BE-ja do të hedhë një sy drejt Parisit për të kuptuar nëse do të ndryshojnë ministrat kryesorë, Punët e Jashtme, Financat, Mbrojtja dhe ajo e Brendshme.
