Në Pogradec situata epidemiologjike në lidhje me Covid-19 është e qetë, duke mos patur raste infektimesh. Kjo ka sjellë edhe rënien e interesit nga ana e popullatës për aplikimin e vaksinës.
Gjithsesi fushata e vaksinimit ka vijuar kryesisht tek personat me risk të lartë. Përgjatë tre muajve të fundit janë aplikuar 123 doza vaksinash.
Edhe pse kanë munguar rastet me Covid-19 mesatarisht në ditë kryhen rreth 20-25 teste tek personat e dyshuar që shfaqin simptoma.
Me udhëzimin e fundit të Ministrisë së Shëndetësisë dhe Mbrojtjes Sociale, vaksinimi ndaj Covid-19 do të kryhet çdo vit për grupet e caktuara të popullatës dhe do të administrohet në një kohë me vaksinën ndaj gripit sezonal.
