Tre persona është raportuar deri më tani se kanë humbur jetën si pasojë e infektimit nga virusi i quajtur “Ethet e Nilit” dhe 17 persona rezultojnë të jenë prekur nga ky virus.
Lidhur me këtë ka reaguar mjeku epidemiolog, Ilir Alimehmeti, i cili akuzoi qeverinë se nuk po publikon raportet e sakta. Sipas mjekut duke marrë parasysh 3 vdekjet e regjistruara nga ky virus, do të thotë që kemi me mijëra persona të cilët janë të infektuar.
“Ethet e Nilit Perëndimor nuk është dicka e re, është dicka që ne e njohim, transmetorhet vetëm nga mushkonjat kështuqë defakto veprimi i parë që duhej të bëhej në të mirë të shëndetit publik është eleminimi i mnushkonjave , që në pranverë tek larvat e më pas tek adultët.
Ne këtë si lajm e shohim këtë vit, mirëpo edhe në vitet e tjera është e pamundur mos ketë pasur raste, për sa kohë të gjitha vendet e rajonit përreth nesh raportojnë vit per vit raste. Kur bëhet fjalë për tre humbje jete tashmë nuk mund të themi më që janë 17 apo 30 apo 60 raste që dyshohen.
Vdekshmëria nga kjo sëmundje është e shkallës 0.1%, PRA 1 NË 1000 humb jetën , pra nëse ne kemi 3 humbje jete , atëherë domethën që kemi mijëra të infektuar. Pozitive ama është që në 1000 vetë, 800 nuk kanë asnjë simptomë fare, pra janë asimptomatik, e kalojnë krejt lehtë, nga keta 2000 që mbetën, përgjithsisht kanë shenja të lehta, dhimbje barku, dhimbje muskujsh, temperaturë, pra shenja të lehta , jo shume specifike.
Ama nga këto 1000, 10 prej tyre do të shfaqin simptoma të prekjes së sistemit nervor qëndror. Dhe këto janë rastet që flet ministria, dhe të gjithë të tjerët i harron, pra 99% të rasteve i harron. Menjëherë në zonat ku këto raste janë shfaqur, duhet bërë një dezinsektim i madh i zonës”, tha Alimehmeti per Syri tv.
Ditën e djeshme, shefja për sëmundjet infektive në Institutin e Shëndetit Publik, Silva Bino, konfirmoi 17 raste të të prekurve nga virusi dhe 19 të tjera të mundshme, për të cilat po pritet rezultati i analizave.
Rastet e të prekurve nga “Ethet e Nilit” janë regjistruar në Lushnje, Fier dhe Kurbin. Rasti i parë dyshohet se ka qenë një emigrant që qëndroi në qytetin e Lushnjës, i cili konfirmoi se ishte prekur nga sëmundja pasi ishte rikthyer në Greqi.
“Ethet e Nilit” transmetohen nga mushkonjat dhe në format më të lehta sëmundja tek pacientët zgjat nga 3 deri në 6 ditë. Simptomat e virusit janë të ngjashme me ato të gripit, pasi shfaqin temperature dhe gjendje parehatie të përgjithshme.
